Vi bruker informasjonskapsler/cookies til å samle informasjon om deg for forskjellige formål. Vi har delt disse opp i to kategorier:
Statistiske, Markedsføring
Ved å trykke «Godta alle» gir du din tillatelse til alle formålene. Du kan også velge formålet du vil samtykke til ved å klikke på avmerkingsboksen ved siden av formålet, og deretter trykke «Lagre innstillinger».
Du kan når som helst trekke tilbake samtykket ditt ved å trykke på det lille ikonet i nederste venstre hjørne av nettsiden.
Kommentar på budsjettforslaget om å «legge ned 7 sjukeheimsplassar ved Årdal sjukeheim.»
Det er viktig å presisere at det er ei omlegging av omsorgstenesta, ikkje ei direkte «nedlegging» av 7 plassar.
Årdal kommune brukar meir pengar enn vi har. Inntektene er mindre enn forbruket.
Omsorgstenesta i Årdal brukar kr 5000,- meir pr. innbyggar enn andre kommunar vi kan samanlikne oss med. (ca. 26 millionar meir totalt.)
Me har 22% dekningsgrad av heildøgns omsorgstilbod, kommunar me kan samanlikne oss med har 16-18%.
Prognosane syner at om 20 år har vi 200 fleire innbyggjarar over 80 år
Held vi fram slik som no, vil vi trenge 40 nye sjukeheimsplassar
Mangel på fagkompetanse i sektoren er ein utfordring i dag. 40 nye sjukeheimsplassar vil krevje dobling av tilsette i forhold til i dag.
Det er ingen signal som tilseier at inntektene til kommunen skal bli monaleg større.
Regjeringa og helsepersonellkommisjonen peikar på at me må gjere endringar for å klare å levere gode omsorgstenester i framtida.
Viss Årdal Kommune skal komme i ein posisjon til å gjennomføre større investeringar, i første omgang nytt omsorgssenter, må me ta grep for å betre dei økonomiske føresetnadene.
Det me ynskjer er at alle eldre som treng hjelp frå kommunen, skal få det.
Det vil me gjere ved å ha fleire omsorgsbustader med heimetenester. Dette er billigare og dermed kan fleire få tilbod.
Erfaring syner at mange ynskjer eit type omsorgstilbod som t.d. ÅBO. Sjukeheimplass er viktig når omsorgsbustad ikkje er tilstrekkeleg for å hjelpe.
Budsjett 2023 startar ein naudsynt omlegging til fleire omsorgsbustader ved å redusere ein avdeling på sjukeheimen. Så vert det nye plassar på ÅBO ved å flytte kortidsplassane til anna eigna lokale.
Omlegginga vil ta tid og me ynskjer at kommunen nyttar den tida som trengs med omsyn til bebuarane.
Som eit ledd i omlegginga fremja me i formannskapet eit forslag som lyder slik: «Det vert starta eit prosjekt for å sjå på arbeids- og oppgåvefordelinga innan eldreomsorga. Prosjektet skal sjå på organisering av oppgåver, oppgåvefordeling mellom faggruppene og korleis velferdsteknologi kan nyttast. Prosjektet skal sjåast i samanheng med nytt omsorgssenter.»